Brión abre o prazo de inscrición na XXXV Carreira Pedestre da Amaía

 23 de agosto do 2017 | Xornal Lindeiros


O Concello de Brión abriu o prazo de inscrición na tradicional Carreira Pedestre da Amaia, que este ano chega á súa edición número 35.

A proba terá lugar o sábado 7 de outubro, a partir das 17:00 horas, na Carballeira de Santa Minia e poderán participar atletas federados e non federados, que estarán baixo o control técnico do Comité Galego de Xuíces da Federación Galega de Atletismo.

A XXXV Carreira Pedestre da Amaia estará incluída por segundo ano consecutivo no Circuíto de Carreiras Populares da Deputación da Coruña, o que suporá varios cambios con respecto a edicións anteriores. A principal é o cambio na data tradicional de celebración, que pasa da mañá do primeiro domingo de outubro á tarde do primeiro sábado do mes.

O que si se mantén é a Carballeira de Santa Minia como epicentro da proba, o percorrido da carreira absoluta e a decisión de non admitir inscricións o mesmo día da proba, polo que aquelas persoas que estean interesadas en participar deberán inscribirse a través da web http://carreirapedestredaamaia.blogspot.com.es/ ou de www.carreirasgalegas.com antes das 14:00 horas do 4 de outubro. As inscricións dos adultos custarán 5 euros, mentres que as dos menores de 12 anos son de balde.

Máis de 1.000 euros en premios

A carreira repartirá mais de 1.000 euros en premios, así como camisetas e avituallamentos para todos os participantes. Haberá trofeos e premios en metálico para os tres primeiros homes e as tres primeiras mulleres en cruzar a liña de meta na proba absoluta, de 8 quilómetros de lonxitude: 200, 170 e 150 euros, respectivamente. Tamén haberá trofeos para os tres primeiros homes e mulleres empadroados en Brión, así como para os primeiros clasificados das 8 categorías establecidas. Os premios non serán acumulativos, exceptuando os correspondentes aos empadroados en Brión.

As probas infantís terán lugar tamén na Carballeira de Santa Minia. As categorías dos pitufos e prebenxamíns non serán competitivas, polo que todos os participantes recibirán cadansúa medalla. O Concello de Brión porá a disposición de todos os corredores o pavillón polideportivo para que se poidan duchar, así como un servizo de garda roupa situado na Casa da Cultura.

A Carreira Pedestre da Amaia é unha das probas atléticas máis importantes do panorama galego. Con 35 anos de antigüidade, é unha proba de referencia na comarca de Santiago que ten lugar todos os anos xusto despois da Romaría de Santa Minia. O “maratón da Amaía” (como se denominaba nos seus inicios) sumouse aos actos de celebración da Santa Minia aló polos anos 80 pola enorme expectación e éxito da súa organización.

A Carreira Pedestre da Amaía abre a inscrición

22/08/2017 | El Correo Gallego


O Concello de Brión abriu onte o prazo de inscrición na tradicional Carreira Pedestre da Amaia, que este ano chega á súa edición número 35. Unha proba que terá lugar o sábado 7 de outubro, a partir das 17.00 horas, na Carballeira de Santa Minia e na que poderán participar atletas federados e non federados, que estarán baixo o control técnico do Comité Galego de Xuíces da Federación Galega de Atletismo. Non se admitirán inscricións o mesmo día da proba, polo que aquelas persoas que estean interesadas en participar deberán inscribirse a través da web http://carreirapedestredaamaia.blogspot.com.es/ ou de www.carreirasgalegas. com antes das 14.00 horas do día 4. As inscricións dos adultos (maiores de 12 anos) custarán 5 euros.

A compañia aseguradora Nationale-Nederlanden será por primeira vez patrocinador oficial da XXXV Carreira Pedestre da Amaía - Brión 2017




National-Nederlanden e o Concello de Brión chegaron a un acordo de patrocinio para a edición de 2017 da carreira Pedestreda Amaía, unha das carreiras mais senlleiras da comarca de Santiago. A aeguradora, que tamén patrocina carreiras tan emblemáticas como a San Silvestre Vallecana, reafirma así a sua aposta polo running, un deprote para todos os públicos, capaz de unir diferentes xeraciósn e que conecta a perfeción con enfoque cara as persoas reais da Compañía

O running é un deporte dirixido a tódolos públicos sen importar a idede, sexo ou nacionalidade, e que exemplifica valores de superación, esforzo e un estilo de vida saudable. "En Nationale-Nederlanden, seguimos apostando polo deporte e estamos moi ilusionados co noso decidido apoio a unha das carreias mais populares de Galicia, coa satifacción de saber que contribuimos así a súa organización e a apoiar tantos aos corredores profesionais como a aqueles que se unen á iniciativa de unha forma amateur e que, gracias ao running, incorporaron o deprote ao seu día a día. Ademais, esta aposta está completamente alienada co noso obxetivo como Grupo de contribuir ao benestar globar e financieiro das persoas", expliva Virgnie Gonzalez Subdirectora Xeral da compañía.

Nationale-Nederlanden

Ofrece solucións de aforro e inversión a medio e longo prazo a mais de medio millón de clientes en toda España. Con un equipo profesional de 500 empregados e 2.000 asesores personais, Nationale-Nederlanden está presente en toda España a través das súas 39 oficinas, mais de 115 puntos Laranxa e 10 Franquicias para ofrecer asesoramento personalizado a todos os seus clientes.

Ademais, conta con unha unidade de negocio especializada en solucións retributivas para empregados e directivos: Nationale-Nederlanden Employee Benefits. Mais de 2.700 clients confian en nos para protexer o futuro dos mais de 225.000 empregados, incluidas 13 das 35 compañías do IBEX-35, ademais de institucións públicas, multinacionais e PYMES.

Mais información: www.nnseguros.es

GRUPO NN

El Grupo NN é unha compañía aseguradora e de xestión de activos que opera en mais de 18 países con forte presenza en Europa e Xapón.

Con mais de 11.500 empregados, o Grupo NN ofrece servizos de xubilación, seguros, inversións e banca minoristas, para pequenas e medianas empresas, clientes corporativos e institucionais. Opera mediante asesores, brokers, bancos e servizos directos.

O Grupo NN conta ccon duas unidades de negocio en España: Nationale-Nederlanden (Seguros) e NN Investment Partners (Gestión de Activos)

Mais información: www.nn-group.com

https://www.nnseguros.es/

Unha nova edición da Carreira Pedestre Popular da Amaía con grande éxito de participación


 Adiantado a súa tradicional data de celebración do domingo ao sábado, a XXXIV Carreira Pedestre da Amaía congregou en Brión o primeiro de outubro a uns 453 atletas, entre nenos e adultos, sumando 130 participantes máis con respecto á anterior edición. Ademais, a cita deportiva estivo incluída no Circuíto de Carreiras Populares da Deputación da Coruña, baixo o control técnico do Comité Galego de Xuíces da Delegación de Santiago da Federación Galega de Atletismo.

A proba de atletismo, unha das máis senlleiras da bisbarra, iniciouse ás 17:00 h. coas competicións das categorías infantís e xuvenís. Arredor das 18:00 h. arrancou a carreira absoluta; 24 min. e 15 seg. despois chegou á meta situada na Carballeira de Santa Minia o primeiro clasificado absoluto, o arzuán Lolo Penas do equipo New Balance Team. O coñecido atleta marchou por diante durante todo o traxecto e acadou a meta cunha cómoda vantaxe de máis de medio minuto sobre o segundo clasificado, o recoñecido deportista Hassan Lekhili, do equipo Ourenrunning, que necesitou 24 min. e 51 seg. para completar o percorrido. O terceiro en subir ao podio foi Víctor Riobó Villanueva, gañador da edición de 2014 e corredor do Miler Running Club de Marín, cun tempo de 25 min. e 19 seg.

A gañadora absoluta na categoría de mulleres foi Paula Mayobre González, natural de Ares, que acadou un tempo de 28 min. e 11 seg. A atleta cruzou a meta no posto 16 da carreira absoluta. Rocío Alvite Ferreiro, do Club Altetismo Sar Vermú Petroni de Santiago, cun tempo de 29:35 min. foi a segunda clasificada. Raquel Suárez Pedrosa, do Ría de Ferrol-Concepción Arenal, logrou a terceira posición cun tempo de 30 min. e 16 seg.

Unha mención especial merecen os tres primeiros clasificados residentes en Brión. Cabe destacar a participación de Miguel Penedo Taboada, do 3&Run by Pedro Nimo, que entrou na meta no cuarto posto da xeral cun tempo de 26:03 min. acadando tamén o triunfo na categoría sénior. Dous corredores afeccionados seguírono neste podio: Juan Jesús Barral con 28:27 min. (posto 17) e Óscar Ces Suárez, 29:31 min. (posto 26). As tres primeiras brionesas foron Iria Pérez (posto 139, cun tempo de 39:49 min.), Cristina Hernández (posto 152, cun tempo de 42:05 min.) e Mónica San Guerra (posto 154, cun tempo de 42:19 min.)

A entrega de trofeos estivo presidida polo alcalde de Brión, Xosé Luís García. No acto entregáronse galardóns aos seis vencedores absolutos, tamén aos tres primeiros clasificados de cada unha das categorías establecidas. Ademais, houbo camisetas e bebidas para todos os participantes, e medallas para os 141 participantes nas categorías pitufo e prebenxamín.
Parabéns aos gañadores e moitas grazas a todos os participantes.

Consulta as CLASIFICACIÓNS FINAIS

Tamén podes comprobar todas as galerías fotográficas desta edición nos seguintes enlaces:

XXXIV CARREIRA PEDESTRE POPULAR DA AMAIA 2016 - FOTOS DO CONCELLO DE BRIÓN | ALBUM II

XXXIV CARREIRA PEDESTRE POPULAR DA AMAIA 2016 - FOTOS DO CONCELLO DE BRIÓN | ALBUM III

XXXIV CARREIRA PEDESTRE POPULAR DA AMAIA 2016 - FOTOS DE CORRER EN GALICIA | USUARIO DRUIDA1313

XXXIV CARREIRA PEDESTRE POPULAR DA AMAIA 2016 - FOTOS DE CORRER EN GALICIA | USUARIO koala36